जिल्हा परिषद प्राथमिक शाळा न्हावी येथे जागतिक दिव्यांग दिन व समता दिन उत्साहात साजरा

सारोळा  : दि. ३ डिसेंबर (बुधवार) रोजी जिल्हा परिषद प्राथमिक शाळा, न्हावी येथील समावेशित शिक्षण उपक्रमांतर्गत जागतिक दिव्यांग दिन व समता दिन उत्साहपूर्ण वातावरणात साजरा करण्यात आला. ग्रामपंचायत न्हावी 322 सरपंच शितलताई सोनवणे, शाळा व्यवस्थापन समिती अध्यक्ष शरद सोनवणे यांच्यासह महेंद्र शामराव सोनवणे, गणेश सतीश सोनवणे, रंजना किसन सोनवणे आदी मान्यवरांनी या कार्यक्रमाला शिरकत करून दिव्यांग बंधूंना सन्मानित केले.

कार्यक्रमात दिव्यांग बंधूंना शाल, श्रीफळ, पुष्पगुच्छ आणि पुस्तके देऊन गौरविण्यात आले. यावेळी सहभागींच्या चेहऱ्यावर आनंदाचे भाव उमटले. विद्यार्थ्यांशी संवाद साधताना, “दिव्यांगत्व ही अडचण नसून, योग्य संधी दिल्यास प्रत्येक व्यक्ती गुणांनी उजळून निघते” असा संदेश दिला गेला. पालक आणि बालकांना समान संधी, मानवी हक्क आणि संवेदनशील दृष्टीकोनाबाबत मार्गदर्शनही करण्यात आले.

या उपक्रमाने शाळेतील ममत्व, समत्व आणि बंधुत्वाच्या मूल्यांना अधिक बळकटी दिली, तसेच सर्वसमावेशकतेचा आदर्श सादर केला. भांबवडे गावचे आदर्श युवक लोकेश गुरव यांनी आपल्या वाढदिवसानिमित्त उपस्थितांना गोड जेवण दिले. प्रास्ताविक ललिता भोसले यांनी केले तर कार्यक्रमाचे सूत्रसंचालन अनिल चाचर यांनी पाहिले. आभार रुपाली पिसाळ यांनी मानले.