कन्यादिनी ऑक्सफर्ड इंटरनॅशनल स्कुलच्या विद्यार्थिनींकडून शिक्षकांना विजयी गिफ्ट
भोर : दि. 22/09/2024 (रविवार) आजचा आंतरराष्ट्रीय कन्या दिन साजरा होत असताना, भोर तालुक्यातील ऑक्सफर्ड इंटरनॅशनल इंग्लिश मिडियम स्कुल किकवीच्या विद्यार्थिनींनी 19 वर्षांखालील मुलींच्या खो-खो संघाने भोर तालुकास्तरीय खो-खो सामन्यांमध्ये छत्रपती शिवाजी विद्यालय भोर संघाचा 6 गुणांच्या फरकाने पराभव करत उल्लेखनीय विजय मिळवला आहे, या दोन्ही संघात प्रथम क्रमांका करीता अंतिम सामना झाला, या विजयी संघाच्या मुलींची मेहनत, समर्पण आणि सांघिक खेळा मुळेच त्यांनी हा सामना जिंकून प्रथम क्रमांक मिळवला.
आज कन्यादिन मुली जीवनात आनंद प्रेम,प्रकाश आणणारी, लेक माहेराच सोन, बापाच्या हळवं मन जपणारी, असे काहीस तिच्या बाबतीत आपण बोलत असतो, हा दिवस केवळ मुलींचे महत्त्व समजावून सांगण्यासाठी नाही तर समाजात मुलीं बद्दल प्रेम आदर निर्माण करण्यासाठी साजरा केला जात असताना ऑक्सफोर्ड इंटरनॅशनल स्कूलच्या विद्यार्थिनींनी कुटुंबियांना व शिक्षक वर्गास या दिलेल्या विजयी गिफ्ट बद्दल सर्व शिक्षक भावूक झाले होते.
विद्यार्थ्यांच्या या यशाबद्दल शाळेचे क्रिडा शिक्षक सौरभ चव्हाण आणि मंगेश गोळे, मुख्याध्यापक श्री.उमेश सोनवले सर, सौ. जानव्ही सोनवले मॅडम यांचे मार्गदर्शन लाभले. विजयी संघाच्या मुलींमध्ये कु. दिव्या सरगल, कु.अदिती देवघरे, कु साक्षी बनसोडे, कु.गुंजन तळेकर, कु.सांजली मांजी,कु.अनन्या गाडे, कु.भक्ती वाघमारे, कु.अनुष्का तनपुरे, कु.प्रणिता चव्हाण, कु.प्रगती लोकरे, कु.अक्षया कोलप्पन, या मुलींनी चमकदार कामगिरी करत आपल्या शाळेच्या संघाला तालुकास्तरीय खो-खो स्पर्धेत प्रथम क्रमांक मिळवून दिला.
हा अंतिम सामना पाहण्यासाठी आयोजकांसह, शिक्षक वर्ग, पालक असा मोठा प्रेक्षक वर्ग उपस्थित होता, जिल्हास्तरीय स्पर्धेसाठी या संघाची निवड झाली असून शाळेच्या या मुलींच्या संघाला जिल्हा स्तरीय क्रीडा स्पर्धेत तालुक्याचे प्रतिनिधीत्व करण्याचा मान मिळाला आहे.




