🇮🇳 राष्ट्रीय एकता दिवसानिमित्त राजगड पोलिसांकडून ‘रन फॉर युनिटी’ चे उत्साहपूर्ण आयोजन 🇮🇳

नसरापूर : राष्ट्रीय एकता, बंधुता आणि सामाजिक ऐक्याचा संदेश देण्यासाठी राजगड पोलीस स्टेशनच्या वतीने “राष्ट्रीय एकता दिवस” साजरा करण्यात येत आहे. या निमित्ताने “रन फॉर युनिटी” या विशेष उपक्रमाचे आयोजन दि. ३१ ऑक्टोबर २०२५ रोजी सकाळी ६.३० वा. करण्यात आले आहे. या धावाचा प्रारंभ श्री. शिवाजी विद्यालय, नसरापूर, ता. भोर, जि. पुणे येथून होणार असून समाप्ती ग्रामपंचायत कार्यालय नसरापूर येथे होईल. ही धाव मुख्य रस्त्याने पार पडणार आहे.या कार्यक्रमाचे उद्दिष्ट देशातील एकता, अखंडता आणि सामाजिक बंधुभाव दृढ करण्याचे असून नागरिकांमध्ये राष्ट्रभावनेचा जागर निर्माण करणे आहे.

राजगड पोलीस स्टेशनच्या हद्दीतील सर्व नागरिक, पत्रकार, विद्यार्थी, तसेच स्थानिक संस्थांना यात सहभागी होण्याचे आवाहन करण्यात आले आहे.पोलीस निरीक्षक राजेश गवळी यांनी सांगितले की “राष्ट्रीय एकता दिवस” हा भारतरत्न सरदार वल्लभभाई पटेल यांच्या जयंतीच्या निमित्ताने साजरा केला जातो.

देशातील प्रत्येक नागरिकाने एकतेचा संदेश आत्मसात करावा, हा या धावण्यामागील हेतू आहे.कार्यक्रमात सहभागी होऊन नागरिकांनी राष्ट्रीय एकतेचा संदेश आपल्या कृतीतून अधोरेखित करावा आणि समाजात बंधुतेची भावना वृद्धिंगत करण्यासाठी हातभार लावावा, असे आवाहन राजगड पोलीस प्रशासनातर्फे करण्यात आले आहे.