मोहरी खुर्दमध्ये पुणे ग्रँड टूर सायकल रेसनिमित्त रस्त्याच्या दुतर्फा ११११ वृक्षांची लोकवर्गणीतून लागवड

कापूरहोळ : राष्ट्रीय पातळीवरील ‘पुणे ग्रँड चॅलेंज २०२६’ ही सायकल स्पर्धा १९ ते २३ जानेवारी २०२६ रोजी पुणे शहर आणि जिल्ह्याच्या ग्रामीण भागातून होणार आहे. या स्पर्धेचा मार्ग मोहरी गावातून जात असल्याने मोहरी ग्रामपंचायतीच्या हद्दीमध्ये रस्त्याच्या दुतर्फा वृक्षलागवड करण्यात आली.

या उपक्रमांतर्गत मोहरी खुर्द येथे विशेष कार्यक्रम आयोजित करण्यात आला होता. रस्त्याच्या दुतर्फा एकूण ११११ वृक्षांची लागवड करण्यात आली.

• मोहरी गावकऱ्यांनी लोकवर्गणीतून रोपे, खत, पाणी व इतर साहित्याची व्यवस्था केली. तहसीलदार राजेंद्र नजन यांनी वृक्षलागवड ही ग्रामीण विकासाची पायाभूत गोष्ट असल्याचे सांगितले.

• मंडल अधिकारी मनोज ढवळे यांनी स्पर्धेच्या पार्श्वभूमीवर अशा उपक्रमांची गरज असल्याचे प्रतिपादन केले.

• वृक्ष किती महत्त्वाचे आहेत याचे फलक देखील संबंधित ठिकाणी लावण्यात येणार असल्याची माहिती प्रथमेश पांगारकर यांनी दिली.

• ग्रामस्थांनी एकत्र येऊन पर्यावरण रक्षणाचा संकल्प करण्याबरोबरच लोक वर्गणीतून दुतर्फा वृक्ष लागवड करून, रस्त्याच्या सौंदर्यात भर पडेल, असा विश्वास मोहरी गावचे माजी सरपंच सागार पांगरकर यांनी व्यक्त केला.

या कार्यक्रम प्रसंगी भोर तहसीलदार राजेंद्र नजन, मंडल अधिकारी मनोज ढवळे, तलाठी हिमाणी चोपडे, ग्रामसेवक खुडे, शिक्षक नितीन कांबळे, पोलिस पाटील गोरक्षनाथ सुतार, माजी सरपंच सागर पांगारकर, उपसरपंच मनिषा पांगारकर उपस्थित होते.

कार्यक्रमाचे संयोजन मराठा ग्रुपचे अध्यक्ष आकाश पांगारकर, सदस्य प्रवीण पांगारकर, सचिन पांगारकर, विशाल पांगारकर, तेजस पांगारकर, ऋतिक पांगारकर, प्रतीक पांगारकर, वैभव पांगारकर, संग्राम पांगारकर, भरत पांगारकर, प्रणव पांगारकर, परशूराम जांभळे, अविनाश जांभळे, पांडुरंग देवघरे व सर्व सदस्यांनी केले. या वृक्षलागवडीमुळे केवळ रस्त्याचे सौंदर्य वाढणार असुन पर्यावरण संरक्षणालाही चालना मिळणार आहे.

या उपक्रमामुळे पुणे ग्रँड चॅलेंज स्पर्धेला हरियालीची सजावट मिळेल. ग्रामपंचायत व मराठा ग्रुपने पुढाकार घेतल्याबद्दल ग्रामस्थांनी कौतुक केले. भविष्यात अशा उपक्रमांची पुनरावृत्ती व्हावी, अशी अपेक्षा आहे.