RTE प्रवेश प्रक्रियाकरिता 5 ऑगस्ट पर्यंत मुदत वाढ
पुणे : RTE (शिक्षण हक्क कायद्याअंतर्गत) शिक्षण विभागाने प्रवेश जाहीर झालेल्या विद्यार्थ्यांना प्रवेश निश्चित करण्यासाठी 23 ते 31 जुलै पर्यंतची मुदत दिली होती. ही मुदत बुधवारी संपली , या मुदतीत 39 हजार 407 विद्यार्थ्यांनी प्रवेश निश्चित केला आहे. मात्र अद्याप प्रवेश न घेतलेल्या विद्यार्थ्यांच्या करिता 5 ऑगस्ट पर्यंत मुदतवाढ देण्यात येत असल्याची माहिती शिक्षण विभागा कडून देण्यात येत आहे.
प्राथमिक शिक्षण संचालक शरद गोसावी यांनी परिपत्रकाद्वारे ही माहिती दिली. शिक्षण विभागाने फेब्रुवारी मध्ये RTE प्रवेश प्रक्रियेत केलेल्या बदलांमुळे न्यायालयीन प्रकरण उद्भवली होती, शिक्षण विभागाने केलेला बदल न्यायालयाने घटनाबाह्य ठरवला होता, त्यामुळे शिक्षण विभागाला पूर्वी प्रमाणेच RTE प्रवेश प्रक्रिया राबवावी लागत आहे. न्यायालयीन प्रक्रिया सुमारे 2 महिने चालल्याने यंदा प्रवेश प्रक्रियेला खुप उशीर झाला आहे.
शिक्षण हक्क कायद्याअंतर्गत (RTE) खासगी शाळांतील 25 टक्के राखीव जागांवरील प्रवेश प्रक्रियेला 5 ऑगस्टपर्यंत मुदतवाढ देण्यात आली आहे. त्यामुळे अद्याप प्रवेश न घेतलेल्या विद्यार्थ्यांच्या पालकांना दिलासा मिळाला आहे.
