राष्ट्रीय महामार्ग क्र.6 वरील कार्यरत असणाऱ्या RTO अधिकाऱ्याला ACB विभागाने लाच घेताना रंगेहाथ पकडले
नाशिक : गोंदिया जिल्ह्यातून जाणाऱ्या मुंबई -कोलकत्ता राष्ट्रीय महामार्ग क्रमांक 6 वरील मध्यप्रदेश व महाराष्ट्र सीमेवरील देवरी आरटीओ चेकपोस्ट नाक्यावर कार्यरत असणारे सहाय्यक परिवहन अधिकारी खैरनार यांना नाशिक येथील ACB (लाचलूचपत) प्रतिबंधक विभागाच्या पथकाने लाच घेतांना रंगेहाथ पकडल्याची घटना 11 एप्रिल रोजी सकाळी 8 वाजेच्या दरम्यान घडली.
मुंबई-कोलकत्ता राष्ट्रीय महामार्गावरील देवरी चेकपोस्टवर अवैधरित्या वाहन चालकाकडून वसुली केली जात असल्याची तक्रार वाहन चालकांनी ACB कार्यालयाकडे केलेली होती, त्यानुसार ACB अधिकाऱ्यानी सापळा रचून एका ट्रेलरच्या वाहन चालकाच्या वाहनात बसवून नाशिक ACB चे अधिकारी ट्रेलरचे वाहन चालक म्हणून गेले आणि चेकपोस्टवर पोचताच त्याना वाहन चालक समजुन त्यांच्याकडे पैशाची मागणी केली, पैसे भरण्याकरीता कार्यालयातील खिडकी जवळ असलेल्या काऊंटरवर जाऊन पैसे देण्यास सांगितले, पैसे घेत असताना संबंधित सहाय्यक परिवहन अधिकारी खैरनार यांच्यासोबत इतर दोघांनाही ताब्यात घेण्यात आले आहे.
सदर सहाय्यक परिवहन अधिकारी व इतर दोघांनाही देवरी पोलीस स्टेशन मध्ये त्यांच्या विरूद्ध गुन्हा दाखल केला असुन पुढील कारवाई सुरु आहे.
